Deputetja e Lëvizjes Vetëvendosje, Fitore Pacolli, ka kërkuar ndërmarrjen e masave ndaj deputetëve të cilët, sipas saj, po pengojnë konstituimin e Kuvendit të Kosovës.

Në një postim në Facebook, Pacolli ka akuzuar partitë opozitare – PDK-në, LDK-në dhe AAK-në – se po e bllokojnë procesin dhe, siç thekson ajo, po shkelin Kushtetutën dhe rregulloren e Kuvendit.

Ajo paralajmëroi se nëse bllokada vazhdon, duhet të merren masa konkrete, përfshirë edhe mundësinë e marrjes së mandateve ndaj atyre që refuzojnë të votojnë.

“PDK, LDK dhe AAK po bllokojnë konstituimin e Kuvendit, duke shkelur Kushtetutën dhe rregulloren. Ata po akuzojnë Lëvizjen Vetëvendosje, por është vetë kjo palë që po e bllokon. Nëse Kuvendi nuk konstituohet deri në fund të muajit, duhet të merren mandatet nga ata që refuzojnë të votojnë. Nuk mund të vazhdojmë kështu”, tha Pacolli./Arbresh.info